1.5億點擊網劇正邪對決 張建聲見小春崩潰贏like

故事發展到「招積」出監及上位做大佬後，一直忘毋要搵陳小春飾演的警方臥底「鳳凰哥」報仇，今集講到小春踩場，向來癲喪、連槍殺大佬B吳志雄都唔眨眼的 Justin 重遇小春這位曾經令他無比崇拜的「假大佬」，激動到又驚又震又淚盈眶但又扮勁死頂，臉部肌肉和嘴唇都在顫抖，這場戲播出後，唔止大批網民俾 like，讚 Justin 演技大爆發，更獲內地報道分析 Justin 的演技層次。

Justin 對於網民的讚賞當然開心，他說：「多謝網民咁支持『招積』呢個角色，我嘅微博同 facebook 信箱都爆晒留言，好感恩地一一多謝大家。招積呢個悲劇人物有好多故仔，有啲國內既留言係話未見過一個壞蛋，係唔會憎同埋同情佢，播到今集『鳳凰』、『招積』第一次再見番，我當時拍呢場戲真係好嬲、好憎『鳳凰』，精神狀態直情崩潰，眼淚榔住，又唔可以喺『鳳凰』面前失威，又好揪心咁諗呢兩年坐監日子點過，我認為演員間互動，嗰場戲係有晒，大家一 action 係非常真情流露。」

現時連內地網絡都勁讚 Justin 好戲，Justin 謂也見過有關其角色的分析報道，他笑說：「係好詳細分析角色，交代晒俾觀眾聽，『招積』搞咁多嘢都係想得到『鳳凰哥』尊重，佢好似小朋友咁做錯嘢，特登喺大人面前擾攘，到大人見到佢又笠水，呢個上下把嘅做法係好好睇，我同小春都非常滿意，演員間真正互動其實先係成部戲靈魂。」