Update News

獲提名金鹿獎男配 蔡瀚億集氣谷爆《狂舞派3》

2018-09-26
蔡瀚億 ( BabyJohn ) 過去一年戲接戲忙個不停,早前他終於放假去日本遊玩,直至近日返港後,突然收到一份非常驚喜的神秘禮物,就是憑《拆彈專家》的演出,獲得第十四屆中國長春電影節「金鹿獎」提名「最佳青年男配角獎」。
 
今屆「金鹿獎」有15部入圍影片,《拆彈專家》以唯一一部入圍的香港電影,而今屆頒獎禮的重點是鼓勵青年人才,蔡瀚億能夠被提名最佳青年男配角,亦是影展對他的一種肯定和鼓勵,蔡瀚億說:「獲得提名,當然覺得開心。多謝長春電影節以及《拆彈專家》幕前幕後所有手足。可惜無法到現場感受氣氛,希望日後再有機會,可以親身到現場,所以依家繼續努力,拍好每部作品。」
 
「金鹿獎」的提名為蔡瀚億注強心針,緊接他開拍黃修平導演的《狂舞派3》,這部戲本身也是他和導演黃修平的成名作,黃金組合重現經典,蔡瀚億自然十分重視,亦花了好多心思籌備,做足功課,「套戲10月就開啦,角色上喺劇本嚟睇已經突破咗第一集嘅框框,包括『柒良』呢個角色,而我哋前幾日整個班底都聚咗一次,發覺5年冇再聚,但互相好有默契,令我更期待開工。」蔡瀚億和黃修平再聚,大家傾劇本之餘,亦有男人的浪漫,蔡瀚億笑說:「我發覺我同導演都有顆少女心,我哋約咗一齊傾劇本,結果我哋兩個都點咗士多啤梨酒同埋食住cake咁傾,結果嗰一晚我哋傾咗六、七個鐘,但我哋仲未傾完,相信好快會再傾。」