Update News

大胃王熱狗賽任擸兩萬獎品 鄧健泓贏老婆 雨僑儲埋買樓

2017-11-27
鄧健泓、趙永洪、雨僑和陳詩慧日前為 hmv 拍攝「hmv DOG 大胃王聖誕爭霸戰」宣傳片 ( https://www.facebook.com/hmvDigitalChinaGroup/videos/1558797120880390/ ),今次比賽歡迎全港所有大胃王報名,只要在限時三分鐘內食得最多熱狗者為之贏,在分組初賽中出線的大食仔女,會齊齊進身 12 月 21 日之決賽,屆時勝出的終極大胃王,除了可獨得一萬元 hmv 現金券外,更可以在 60 秒限時內、聯同另外的最後四強參加「瘋狂勁搶 60 秒」,於 hmv 門市任擸總值二萬元以內的貨品!
 
四位藝人當日真人示範做大胃王,雨僑食相就好斯文,陳詩慧一出閘就俾鄧健泓整蠱拍頭,而鄧健泓同趙永洪兩位猛男,食熱狗快過閃電,轉眼隻狗已化整為零。不過最搞笑係四位藝人拍攝搶禮物時,鄧健泓兩手擸住準老婆石詠莉 ( Sukie ) 的 CD 及黑膠,好鬼 hard sell,鄧健泓就哈哈笑:「食熱狗贏咗可以去 hmv 攞自己鍾意嘅嘢,咁成個 hmv,我最鍾意咪 Sukie 囉。」雨僑明年待嫁,所以開始做慳家達人,她說:「我慳錢買樓,儲緊錢,我成日都去 hmv 買熱狗,平吖嘛,又好食喎,我噚日先去買嚟食。」
 
熱狗的背後,鄧健泓掛住老婆,趙永洪就掛住老母,趙永洪說:「我想參加喎,攞咗獎品可以送俾我老母。」陳詩慧亦恨做聖誕老人派禮物,「我梗係想參加比賽,嚟緊聖誕節,贏到嘅話,我好想掃一大堆 headphone,同朋友分享。」
 
其實現時除了 hmv 銅鑼灣旗艦店外,hmv DOG 已正式登陸旺角店及中環店,熱狗售價由 $5 起,即叫即整。至於「hmv DOG 大胃王聖誕爭霸戰」的報名日期由即日起至下月 6 日截止,12 月 8 日至 12 月 20 日舉行初賽,12 月 21 日則進行決賽。